አባወራውን መታደግ (በመኝታ ቤቱ ሲጠናቀቅ…. ካለፈው የቀጠለ)

ከpornography ነጻ ኾኖ ከሴት አውልነት የራቀ ቤተሰብ የመመሥረት ኃላፊነት የሚሰማው ወንድ ለማነጽ የተጻፈ።

6 ሾፌር መኪናው ስትሞቅ አንደኛ ጥርስ(ማርሽ) አስገብቶ ይነሳል፤ የሞተሯንም ድምጽ እየሰማም በደረጃ እያሳደገው ይሄዳል ፣ ሾር ስትልም ጥበቃው ከምንግዜም የበለጠ ይጨምራል ። አባወራም ከቀላል ውዝዋዜ ተነስቶ የትንፋሿን ክብደት የልብ ምቷን ፍጥነት በማዳመጥ የሚጨምረው ፍጥነት በደስታ መንኮራኩር ሾር ያደርጋታል።

እንደሸንበቆ ተስፈንጥረህ ወጥተህ እንደሙቀጫ እንዳትንከባለል፤ አትቸኩል!

ልብ አድርግ! ለሾፌር መኪናው ከፍተኛ ጥንቃቄ እና ጥበቃ የምትሻው በዚህ ወቅት እንደኾነ አስተውል። በጭራሽም መኪናዬ ሾር ብላለች ብሎ የሚቆጣጠራትን ጥርስ አውጥቶ(ማርሿን ዜሮ አድርጎ) አይተዋትም። ምክንያቱም ፍጥነቷ እየጨመረ ሄዶ የማይቆጣጠርበት ደረጃ ላይ ይደርስና መኪናዋ ተገልብጣ በእርሷም ኾነ በእርሱ ላይ አደጋ ይደርሳልና ነው። እንኳንም ዜሮ አድርገውት ጥርስ(ማርሽ) ላይም ኾኖ የምናየው እና የምንሰማው አደጋ ሾፌሮች የመኪናቸውን ፍጥነት መቆጣጠር እየተሳናቸው እንደኾነ ግልጽ ነው።

ለአባወራም እንዲሁ ነው። ከታች እየመሠረተ መጥቶ ወደ ከፍታ ሲወጣ ከፍተኛ ጥንቃቄን ይሻዋል በምንም አይነት መልኩ መሪነቱን ለእርሷ መስጠት አይጠበቅበትም፤ እንዳውም ይኼን ግዜ ነው ይበልጥ የሚፈለገውና። ይህ ባልኾነበት ሁኔታ ግን የእርሱንም ጉዞ የሚያሳጥር፣ የእርሷንም ልብ የሚሰብር፣ ቅርም የሚያሰኛት አደጋ ይፈጠራልና ነው።……

7 ሾፌር መኪናውን ለመንዳት በከባድ ማርሽ ጀምሮ ወደቀላል ማርሽ እንደሄደ ኹሉ መኪናውንም ሲያቆማትም እንዲሁ በደረጃ ፍጥነቷን ቀንሶ ያቆማታል።እንጂማ በፍጥነት እየሄደች ድንገት ፍሬን ቢይዝባት ትገለበጣለች እርሱም ይጎዳል። አባወራም ሚስቱን አሙቆ ወደ እርካታ ማማ የወሰደበትን የተረጋጋ ፍጥነት ተጠቅሞ ይዟት ይወርዳል። በጭራሽ አድርሻታለሁ ብሎ ጥሏት አይመለስም፣ አልያም አያንደረድራትምም።

8 በአዋቂው ሾፌር እጅ ሚኪናው ሾር ፣ቅብጥ ትላለች። እንዲህ አይነት ነገር ገጥሟችሁ ያውቃል “እቺን መኪና እኮ ስወዳት ፍጥነቷ ግሩም ነው” ስትሉ አንዱ ደግሞ ቀበል አድርጎ “እገሌማ ሲይዛት ቅብጥ ያደርጋታል” ይላችኋል። አዎን ለአባወራ ይህ እውነት ነው፤ በመኝታ ቤቱ፣በዙፋኑ ላይ ሾር ቅብጥ ደርጋታል፣እርሷም ሴትነቷ የሚጎላበት፣ ሴትነቷንም የምትወድበት፣ ልዩ እና ሚሥጥራዊ አንድነት ነው፤ ይህም የአፏን ሳይኾን የስሜቷን ቋንቋ ስለሚከተል ነው።

እነዚህን ስምንት ነጥቦች ተግባራዊ አድርገህ በዙፋንህ ውጤታማ እንድትኾን ኹለት መሠረታዊ ቅድመ ሁኔታዎች መሟላት አለባቸው።
1ኛ የአንተ መሪ መኾን
2ኛ ምሪትን የምትቀበል የአባቷ ልጅ ማግኘት። ከሁለቱ አንዱ ከጎደለ አሟላው አልያ ግን አትልፋ አመድ አፋሽ ትኾናለህና።

ከወሲብ/ተራክቦ ጋር የሚነሱ ትዳርን የሚያቀዘቅዙ ውሸቶች ወይም አሉባልታዎች
1 የሴት ልጅ የወሲብ ፍላጎት፣አቅም ከወንድ አንጻር ዝቅተኛ ማድረግ(ተቃራኒው እውነት ኾኖ ሳለ)
2 ሴት ልጅ ከወለደች በኋላ የወሲብ ፍላጎቷ ይቀንሳል ማለት
3 ሥራ፣ ትምህርት እና የቤት ውስጥ ጫና የወሲብ ፍላጎቷን ይቀንሳሉ የሚሉ ውሸቶች …… ሌሎችም

ሳምንት
አባወራው በልዕልና ሚስቱ በትህትና =>ወደር የለሽ ትዳር …… ይቆየን

Author: Henok Hailegabriel

A Husband & a Father who believes in men dominance, anti feminist and helps other men to boost their masculinity, dominate life & save their marriages.

Henok Hailegabriel

A Husband & a Father who believes in men dominance, anti feminist and helps other men to boost their masculinity, dominate life & save their marriages.

You may also like...

Leave a Reply

Your email address will not be published. Required fields are marked *